Daxuyanîya Encama 3. Kongreya TEVKURDê

Daxuyanîya Encama 3. Kongreya TEVKURDê
Tevgera Yekîtîya Neteweyî a Kurd (TEVKURD) di 06 Îlona 2008ê de li bajarê Amedê 3. Kongreya xwe pêk anî û bi Raya Giştî re bîr û rayên xwe yên ku li jêr hatine nivîsandin, parve dike.
Kongreya me ya 3. li ser xebat û çalakîyên Meclîsa Yekîtîyê û Komîteya Rêvebir guftûgo kir. Guherandinên destûr û rêbazê jî têde, ji bo kar-xebatên pêşerojê biryaran girt û endamên xwe yên Meclîsa Yekîtîyê yên nû hilbijart.
Kongreya 3. ya Tevkurdê, di destpêka vê salê de dîyarkirina serxwebûna Kosovayê û di van rojên dawî de jî biryarên Osetiya Başûr û Abhazyayê wek biryar û pêngavên girîng dinirxîne. Kongre di wê bawerîyê de ye ku, biryarên wusa ji bo gelê Kurd jî girîng e, da ew jî li ser bingeha maf û azadîyê, weka hemû milletan bi serbestî biryara pêşeroja xwe ya li ser axa xwe desthilatdarîyê bide. Gongreya me sînorên cografîk yên ku ji derveyî îradeya gelên Rojhilata Navîn û gelê Kurd hatine kişandin, sebebên bingehîn û sereke yên alozîyên herêmê dinirxîn e. Kongre ya me li ser axa Kurdistan ykîitîya netewa Kurd mafekî xwezayî û tarîxî dipejirî ne. Loma jî kongreya me careka din bîr û raya xwe destnîşan dike ku; mafê Netewa Kurd e ku bi nifûsa xwe ya 40 milyonî bibe xwedîyê welatê xwe û dewleta xwe damezrîne.
Kongreya 3. ya Tevkurdê dîyar dike ku, di pêvajoya têkoşîna rizgarîyê ya ji bo azadîya gelê me de gellek pêngavên hevbeş hatine avêtin û ewê têbikoşe ku ev pêngavên hevbeş bibine girseyî. Bi vê mebestê Tevkurd, ewê her têbikoşe ku, hejmara hêzên neteweyî û demokratîk yên ku xwedîyê bîr û rayên cuda ne, di vê yekîtîyê de firehtir be. Di vê çarçoveyê de Tevkurd, bi endamên xwe yên dezgehî wek nimûne, bi Mesop, Dema Nû, Komal û bi Çira re bawerîya xwe ya xurtkirina yekîtîya dezgehî didomîne.
Kongreya Tevkurdê, di xebatên xwe de ji xwe re bêîtaetkarîya sivîl û meşrûîyetê, rêzlêgirtina mafê mirovan, demokratîyet û azadîparêzîyê bingeh digre. Herweha têkoşîna aştîyane û demokratîk dipejirîne.
Kongreya me ya 3. destnîşan dike ku; bingeha kêşe û krîzên li irkîyê, di esasê xwe de berdewamkirina sîyaseta înkarê ya li ser Neteweya Kurd û mafê Neteweya Kurd ku li ser axa xwe, xwe îdare bike û birêve bibe, dibîne. Herweha eşkerebûna têkilîyên avahîya bi navê Ergenekonê û dewletê jî, dîsa ji vê krîzê pêk hatîye.
Kongreya 3. ya Tevkurdê, xwedî li hemû deskeftîyên li Başûrê Kurdistanê derdikeve û piştgirîya xwe dîyar dike. Herweha balê dikşîne ser ku, di serî de Kerkûk û bi giştî cografya Kurdistan ya dîrokî divê têkeve nav sînorên Kurdistanê. Bi vê mebestê Tevkurd xwe weka hevkarê Parlamentoya Federe ya Başûrê Kurdistanê û Hukumeta Herêmê ya Kurdistanê dîyar dike.
Kongreya me ya 3. di pêkhatina Yekîtîya Neteweyî de ji dîtin û rayên cuda re, ji hêzên neteweyî yên cuda re û ji hiqûqa wan re rêz digre. Li ser bingeha vê rûmetdayinê, ji bo pêşeroja Neteweya Kurd û ji bo birêxistinkirina wê, rûmeteke mezin dide sebir, xweşdîtin û toleransê.
Bi silav û Rêzên me
06.09.2008 – Amed
Tevgera Yekîtîya Neteweyî a Kurd / TEVKURD