Cankurd

Bêjeya dil (1)


Cankurd
November 11, 2010

Hestiyên wî yên zerbûyî nîşana temenekî dirêj bûn. Ewirên sipî yên di asîmanê re wekî hêştirên westiyayî, bi rengê porê wî bûn. Çavêd wî yên wekî di kortên komir têde hatibû sotandin, êdî di bin ariya bê agir de winda bûbûn. Ew ji zû ve di rê de ye… Çend salin? Çend sed salin an çend hezar salin, ew bi xwe nizane…Ji ku ve tê, çi demê kete devê rê, navê wî... more



Cankurd

Çarmalika Elî Herîrî


(Ji berhevoka Sosin û Prym- 1889)

Amadekirin: Cankurd

Ger hûn bibînin nalê eşq
Tênû li bom zarî diken
Herkes bizanid(t) h’alê eşq
Bexîlî dijwarî diken

Bexîlî eşq bexîl bibûm
Herdem bi dem zelîl dibûm
Bê rah û bê delîl dibûm
Herkes bi xemxwarî diken

Hûn bar mekin gel min di zor
Li hesreta werdên di sor
Çavê di reş bisk... more



Cankurd

Padishahê Korinth û hishmendî


Ji dûroka Girîkan
Kurdîkirin: Cankurd

Paş mirina şahê xûrêj ê Girîkî Kypselos, kurê wî Pêriyander, ku ciyê bavê xwe li bajêrê Korinth girt, nizanî bû çewa deselata xwe bigerîne û wekî bavê xwe bibe padişahekî navdar. Rabû merivekî xwe yê pêbawer hinart ba şahê zorbaz ê bajêrê Milet, ku ji wî re şêwrekê bîne, û bê ku kesek li wî haydar bibe, vegere bajêrê Korînth.
Şahê Milet... more



Cankurd

Evdirehman û keça Xanê Banê Curesî


Tîpguhastin: Cankurd

Evdirehman lawê subaşî (zurbaşî) bû, malê wî gellek bû, ji bavê xwe xeyidî, suwar bû li hespê, h’emlê Romiya li xwe kir, bi derket, hat cem Saadonê Nûh’, Saadonê Nûh sêset(d) xulamê wî hene. Çû destê Saadon.
Go: “Tu çi dixwazê, lawo?.”
Go: “Hatim nan bixum cem te.”
Go: “Ser çava, rûne.”
Lê nirî Saadon, xortek e, qenc e. Saadon Evdirehman kire... more



Cankurd

Yousif Bajarî û keç firotî


[Ji Berhevoka Socin û Prym – Petersbourg 1889 Rûsiya]
Tîpguhastin: Cankurd

Go carig(k) ji cara, rehmet li dê û bavê guhdara, Yûsif Bajarî hebû, xwedî mal bû. Yeg(k) zilam qîzê wî hebû piçûk, ji birçîbûnê firot. Yûsif Bajarî kirrrî, piçûk bû bi xwedî kir, mezin bû, çêtir jê bi der neket, axlera lêdinêrin, diheyirin. Keçik li xwe mehir kir. Şuxulê Yûsif Bajarî çî ye? Ji subehî nan... more



Cankurd

Beyta Qiyametê


(Mela Mesîhayê Tirwanşî) - 1882-1973

Tîpguhastin: Cankurd
-------------------------------------------------------------------------------------

Subhan ji şahê qudretê
Guh bidêrin vê qissetê
Kesêt evê vê ummetê

Bes biken ji vê dinê
Bitirsin ji mirinê
Vebîr xwe bînin şeva bi tinê

Bitirsin ji paşerojê
Daîmen şevê û rojê
Ji... more



Cankurd

Avakirina Neteweyekê - 4


Civaka mirovî

Di gotarên xwe yên berê de, em li ser pêdabûna nijada mirovî, zincîrkên nijadî, Zevîn û war û cîgahê wê (geografiya wê) peyivîn, û niha jî em ê li ser civaka mirovî û pişt re di gotareke din de.

Mirovatî ji rewşa yekaniya mirov pêş ve hatiye, û mirov ji aliyê cobarkirina “cedwelekirina” civakan ve, wekî Moriyan “Gêreyan”, Mêşên Hingiv, Kevokan, Guran û wan ajalên... more



Cankurd

Avakirina Neteweyekê - 3


Nijadên mirovî -2
(Nêrînên nijadperest)

Di seriyê van nêrînên nijadperest de, bê guman, wan gotinên fîlosofê Girîkî Arîsto li ser koletiyê tên bîra me, gava wî digot, ku sirûşt ji xwe du nijdên mirovî pêda dike, yek bo hukumraniyê û yê dî jî bo di koletiyê de bijî, yê hukumdar xudan kanîn in mezin e û yê dî bi hêza sewalan e, wekî “Heywan” e, tenê bo berdestiya yê dî ye. Mafê yê... more



Cankurd

Avakirina neteweyekê - 2


Cankurd

Nijadên mirovî -1

Tevî ku Xwedayê cîhbilind, di Qurana pîroz de dibêje, ku mirov giş ji Adem in û Adem ji axê ye, dîsa jî hinde dûrokvanên Musilman, wekî Elmesûdî vê yekê li gor fantaziyên xwe dide qelemkirinê û dibêje, ku ‚Kurd‘ ji nijadê „ên Gonê“ ne, ji neslê „Cinn“ hatîne, û nijadperestên Tirkan dibêjin ku Tirk ji nesl û nijdê gur in... more



Cankurd

Avakirina neteweyekê - 1


Cankurd
kurdaxi@live.com
http://cankurd.wordpress.com

Bê guman pêdabûna kesayetiya mirov li ser rûyê vê zevînê, gava serekîn û bingehîn bû, ji pêdabûna civaka mirovî re, ji ber ku ev civak ji mirovan pêda bûye, û derketina kesayetiya mirovî di gerdonê de bûyereke gelek mezin bû di nêv sirûştê de... more


Sayfalar