Helbest

Pîroz be

Li Hewlê ra me pîroz be: Gûla Ala mila, xêlî!
Welat, lê cejn û newroz be, dil û canê me berdêlî

Li wê bûka keyy û Madî, ji sûka Çarçira Qadî
Werin her durrê azadî, ji her bav û ber û Êlî!

Li govaanda gula naza dila, Şoxa serferaza
Werînin sorgulên aza, li xemla kofîya kêlî!

Li wê raza serefrazî, wê dilxwaza şerefrazî,
Werit şehnazê her sazî, bi her awaz û hêlhêlî!

Qazî Muhammed Rehber

Dîlber ji burcê hate der, şox û şepala Erzenî
Lê ser tewand, rabûm ji ber, min got keremke ezbenî

Got: Zanî kîme mela, min got şepala Mûsilî
Got: Serwîbala Erdela, kêsim xezala Erbilî

Min got: Tu dotmama minî, got, bêje pismamo, kenî
Min got: Ku tu l'qama minî, got na, melayê dîn genî

Êzdî me, Zerdeştî heme, Laleş ji min ra ka'be ye
Min got: Ku ez jî, wek te me, qebla me jî qebla we ye

Şewata Welat

Dibên ku xort û canek ji koçer ên Rojhilat
Di dil da çîk û janek he bû, şewat a welat

Çûne nêçîr û geşt ê, war ê Qardox û Got an
Ku jê xwe berdan deşt ê, text ê cizîr a Botan

Ketin dev dev ê av a mîna qaz û quling an
Bê paxav û bê lav a wekî şêr û piling an

Wek kevok û qumrî ya, kew gozel û rubat an
Xwe berdan deşt û çîya, serê zinar û lat an

Wilo hevdû hebandin, evîndarî dane hev
Bade li hev gerandin, li ba hev bûn roj û şev

Bagera zilmê

Li zozanê welatê min, gula azadîyê hiŞk bû
Fîxanê dilkula tê min, kul ê derdê dunê giŞk bû

Zivistan û surr û serma, ku hat lê bagera zulmê
Beg û axayê qeŞmer ma, mela û Şêxê rû riŞk bû

Ne dengê kewrubat an jê, ne bulbul lê bi xulxul tê
Ne Şêr ê burc û latan lê, neyar û mar û dûpiŞk bû

Ne rengê sorgulê dêm a, ne dengê bulbulê lê ma
Ku Seyda yê mejî jê ma, wiha bê par û piŞk bû

Bajarê Helebê

Min dî Şoxek nav zirav, li bajar ê Heleb ê
Gotê: kew a belek çav! Got: çi-d´bêjî, « Şin teb ê»(*)

Min got: lêv ên wekî gul, gotî: ew par a bulbul
Min got: sêv ên li paxil, gotî: ziqqûm! Li te bê!

Min got: kulîlkên dêm a, got: hêj ku nû piŞkifîn
Min got: Şemmamên zêm a, go: tu-l wî bê edeb ê!

Min got: ji bo xweda be! got: nabe, nabe, nabe!
Min got: ku can feda be li wê xal a xebxeb ê!

Bêruh hene qalib

Qelbê ku mirî bû,ji nû iŞqa te wî xweŞkir
Mûma vemirî bû, ji nû Şewqa te wî geŞkir

Lêvên teyê yaqutî, ku qûtê dil û canin
Çavên teyê Harûtî, tilisma me bi wanin

Roja ku jibin eqrebê zulfên te bi der bû
Soja wî li dil da, kezebê qul kir û kher bû

Tîr ên ji kevanê brû yên çavê te yên mest
Mîr ên li cîhanê mirî yên wîne, me jî xwest

Tîrek li kîyanê me ku da, janê li hestî
Jê da dil û canê me, yekê din jî vexwestî

Bi fermana te me razî

Feqîr im, şah û mîr im! zanî „bo min ka çi daxwazî“
Esîr im, kal û pîr im. Bê debîr im, bê serefrazî

Şehînşahê me bendahî, dizanî; bende çidxwaz in
Ji her tiştî tu agah î, çi pirsî: „bende çidxazî“

Eger pirsa gunahê min li ûqbayê bikî yareb!
dibêjim: „Mîr û Şahê min!, bi fermana te me razî“

Efûkî ger, ewe karê Şehînşaha li benda ha
Nekî, dê ez li xeffarê gunaha her bikim gazî

Sihrê beyanî

Hinarê rûyê dildarê ji xwîna dil ve xûnî ne
Fizarê jê ku da warê welat, sebr û tebat nî ne

Ji wê xwînê nukulsor e, kewa gozel birindar e
Li zinnar ê herî jor e, „bijî azadî“ ku´d xwîn e

Kewa azadî ya kurd e, ji zinnar ê serefrazî
Bi balava divê firde, ku lê ala me bikşî ne

Ku banga serxwebûnê ye, qibînq wê kewa gozel
Nukulsorê ji xwînê ye, perr û bask neqş ê Manî ne

Çi bikim?

Çibkim bi dunê ez ku ewî serwî qeda min
Carek bi tenê hezz nekirî, bose neda min

Çibkim bi biharê gul û gulzarê bihiştê
Piştî ewî yarê ku ji dil pişta xwe da min

Çibkim ku ji bo min hemî dunya be seraser
Talan kirî dijmin ku welat, xwarî keda min

Talan kirî, mal an birî, palan kirî caş an
Bê al kirî, bê hal birî Midya ya Meda min

Çibkim E´bi sirrê Melekût û Ceberûtê
Bo min divê sirrê durrê wê sirr semada min

Kew û rûvî

Ji zozan ê Şûşar ê warê êl a zirrik a
Rûvîk î tê domar ê mûş ê nav a dirrik a

Nav Elman û Badik a Kurd meydan û Zengok ê
Dû keloşk û Qaşik a, sêx a te çok ê

Rû û sumbêl berdide wek sofî yû mirîdan
Tolebaz û gerr dide, tê çirtik û cirîdan

Esl ê xwe winda dike, ew lê dibe Gebozî
Dolab û fenda dike, lê ku-d´keve her poz î

Geh ew dibe Laçekî, geh Welîkî, Reşik î
Li xwe dike herçekî, biraxo yê xweşik î

Sayfalar