Rovanê Evînê

Rovanê evînê me ez
Bê hatina te
Kulîlkên nimêjê di Olxana
Xweda de diçelmisin
û porên firişteyan dibin xwelî.

Bê hatina te
Pûtên dilê min dişikin
û keyandina hezkirinê têde
Dilerize û diherife.

Bê hatina te
Nalîn bi nalîn gupikên evînê
Di bin kurtikê min de dibihurin
û findak bê sîber û luplupên mûman dimînin.

Bê hatina te
Quncikên evîndaran
Xemgîn
Rût
Zuha
Hişk
û vala dimînin.

Bê hatina te
Ez bi gavên
Serxweş
Bê hiş
Dadikevim qatên jêrîn
Dûr û kûr
Dibim mêvanê
Xwedayê mirinê!

Husên M. Hebeş
(Hussein Habasch)

Social