Helepçeya birîndar

HELEPÇEYA BIRÎNDAR

bombe û napalm barandin
wan balafiran
devê xwe yê bi xwîn

wek cinawiran

berdabûn laşên kurdan

jehra maran

ax lê eman
ax lê eman

hawîrdor mij û dûman

agir pêxistin 
li gund û bajaran

şehîd ketin xwarê

stêrk bi hezaran

qêrîn û hawara dengê wan

dagirtin valahiya asîmanan

ax lê eman
ax lê eman

hawîrdor mij û dûman

xwîn diherikî 

ji keç û xort û mindalan

qêrîn û hawar û girîna bav û kalan

yeko yek can dikişîn

li ber dîwar û kolanan

ax lê eman
ax lê eman

hawîrdor mij û dûman

mirovên mezlûm 

bi destê zaliman
hatin kuştin

giyana wan yên bêguneh

di kendalan de hîştin

tevî ala kesk û sor û zer

bi xwîna diherikî
hatin şuştin

ax lê eman
ax lê eman

hawîrdor mij û dûman

Xizan Şîlan
1988
Stockholm

Social

Çîrok

Qaliwek im le herdê rûyê min le asimîn
Şev û ro di’a dekim, melek dewêjin amîn
Di’ayî min mustecab ke, Xwudawendê alemîn
Ya Milwarîyê we min gihîn, ya canê min tu bistîn

Pêkenî

Ubêyd Zakanî ji navdartirîn nivîskarên mîzahî û tanz li Îranê ye ku li
bajarê Qezvînê jîyaye. Ew rexnegirekî gelek wêrek û vekirî bûye û ji
gotina rastîyan tu carî netirsyaye.

Helbest

Qaliwek im le herdê rûyê min le asimîn
Şev û ro di’a dekim, melek dewêjin amîn
Di’ayî min mustecab ke, Xwudawendê alemîn
Ya Milwarîyê we min gihîn, ya canê min tu bistîn