Êvarên sergêj

ÊVARÊN SERGÊJ

bêdengiya şevereşên şikestî
di perdeya guhên min de
pistepist e
telaşa bayekî westiyayî
li êvarên sergêj
wîzewîz e
asîmana sayî
di birîna gewriya xwe de
fetisî
heyv
gulebaran bû
stêrk
rondikan dibarînin
telpên ewran
di kîn û nefreta xwe de
diteqin
birûsk
xwîn vedirişin
xilorîk
di hêrsa xwe de
hatin xwarê
rojên sernerm
ji kezebê dinalin
celadên nûdem
di neynika gola xwînê de
porê xwe şe dikin
hesreta yarê pêl bi pêl
li qeraxên xewna min dikevin
di havîngehên laşê xwe de
diqefilim
û dicirifim
min
sirên temenê herifî
ji dilê xwe yê şeyda
veşartin
ez
ne rabirdûyê xwe me
ne jî pêşeroja xwe me
li nav toza striyên xemkêş
kêliya xwe dijîm

Xizan Şîlan
2011-11-21
Stockholm

Social

Çîrok

Qaliwek im le herdê rûyê min le asimîn
Şev û ro di’a dekim, melek dewêjin amîn
Di’ayî min mustecab ke, Xwudawendê alemîn
Ya Milwarîyê we min gihîn, ya canê min tu bistîn

Pêkenî

Ubêyd Zakanî ji navdartirîn nivîskarên mîzahî û tanz li Îranê ye ku li
bajarê Qezvînê jîyaye. Ew rexnegirekî gelek wêrek û vekirî bûye û ji
gotina rastîyan tu carî netirsyaye.

Helbest

Qaliwek im le herdê rûyê min le asimîn
Şev û ro di’a dekim, melek dewêjin amîn
Di’ayî min mustecab ke, Xwudawendê alemîn
Ya Milwarîyê we min gihîn, ya canê min tu bistîn