AGIRÊ NEWROZÊ

Dema tarî çû
Dema barana
Jiyan peyda bû
Li van çiyana
Hêviya dilê min
Êgir ez vêxim
Agirê newrozê
Li serê zozana
Bi ser me de hatî
Bayê biharê
Nêzîk bû bîst û
Yekê adarê
Hêviya dilê min
Êgir ez vêxim
Agirê newrozê
Li serê zozana
Ez î wê hîngê
Çardehsalî bûm
Dilê min hebû
Li keça cîrana
Ew nû gihabû
Jîr û zana bû
Keça Kurda bû
Bi hest û ramana
Gotî hevalo
Dijmin zordar e
Haya te'j te bî
Di van mehana
Gotî delalo
Dilê mi'b te re
Êgir tu vêxe
Li serê zozana
Roja newrozê
Li geşt û seyrana
Xilatê bibe
Du ramûsana

Ez ketim riya
Çiya û baniya
Mîna rêwiya
Mîna şivana
Hêviya dilê min
Êgir ez vêxim
Agirê newrozê
Li serê zozana
Pir digeriyam
Li wan baniyan
Cihkî bibînim
Êgir vêxînim
Anta dilê we
Ez bi cih bînim
Hêviya dilê xwe
Ez bi cih bînim

Cendirme hatin
Dora min girtin
Lê ez î sivik bûm
Kurê şivana
Berî destên min
Têxin zincîrê
Min agir berda bû
Koma belana
Agirê newrozê
Pir bilind rabû
Ronahî dabû
Erd û esmana
Keça cîrana
Dît û pê şabû
Mizgîna dilan
Giha xwedana

Cendirman ez dibirim
Ji heş û sewda kirim
Xistim tariyê
Binê zîndana
Dayîka min gotî
Berxê'm metirse
Min xistî zikê te
Şîrê berana

Ez xistim wê kelahê
Ez anîm dadegahê
Li nav çavên min xistin
Li bin lingên min xistin
Dûyê kesk î pir î tal
Di pozê min re derxistin
Bi zimankî din dengkirin
Ti pirs ji min nekirin
Bi emrê dadegahê
Şeş meh li min dixistin
Pistî şeş meh payîz tê
Şeş mehên din bihar tê
Dîsan diçim zozana
Dîsan diçim zozana

Berlîn, 1979

Xamevan (Mustefa Reşîd)

Social

Lêkolîn

Ji aliyê Albert Socin û Eugen Prym ve di sedsala Nozdehê de (1887) hatiye bihîstin û nivisandin û li Petersburgê/Rûsiya hatiye belavkirin)

JI comerdiya xwe linka PDF binikilîne

Çîrok

Ev heye 384 sal.
Tim em mirin.
Bi her rengî.
Dîse bernadin bejewendî.
Çiqas eyb û fêhête.
..Cîhan tevde bû Dewlet.
..Lê jimere bû qimhet.

Nivîsar

Em hêvîdarim û daxwazîye Gel jî eve ku, PDK-T, PAK,BDP,PSK Û PLATFORMÊ ku hene bi yek rêzîtî, bi yek dengî û dibin çatıya partîke ku li her bajar û navçe de teşkîlatê hene biçin hilbijartinê û tim

Helbest

Ev heye 384 sal.
Tim em mirin.
Bi her rengî.
Dîse bernadin bejewendî.
Çiqas eyb û fêhête.
..Cîhan tevde bû Dewlet.
..Lê jimere bû qimhet.